İran səfirliyi bayram tədbirini ləğv etdi
İranın Bakıdakı səfirliyi İslam Respublikasının Milli Bayramı ilə bağlı rəsmi tədbiri ləğv edib
Əldə edilən mötəbər məlumatlara görə, İranın Azərbaycandakı səfirliyi İslam inqilabının qələbəsinin 44-cü ildönümü münasibətilə sabah, fevralın 10-u (22 bəhmən) axşam saatlarında "Baku Marriott Hotel Boulevard" mehmanxanasında rəsmi tədbir keçirməyi planlaşdırmışdı.
Hətta bununla bağlı rəsmi qurumlara dəvətnamələr də göndərilib. Ancaq bu gün səfirlikdən tədbirin ləğv edildiyi bildirilib. Səbəbini isə səfirlik açıqlamaqdan imtina edib.
Çox güman ki, Azərbaycanın İrandakı səfirliyinə qarşı törədilən terror aktı nəticəsində iki ölkə münasibətlərinin gərginləşməsindən sonra sözügedən tədbirə Azərbaycan rəsmilərinin qatılmayacağını, İran tərəfinin biabır olacağını və tədbirin sönük keçəcəyini anlayan səfirlik mərasimi ləğv etmək qərarına gəlib.
مراسم جشن ۲۲ بهمن در جمهوری آذربایجان به دلایل نامعلوم لغو شد
