Avropanın turistlər üçün ən cəlbedici üç şəhəri

Böyük Britaniyada dərc edilən "Time Out" jurnalı Avropada turistlər üçün ən cəlbedici hesab oluna biləcək üç şəhərin adını açıqlayıb.

Lim10.az xəbər verir ki, siyahıya Niderlandın Rotterdam şəhəri başçılıq edir.

Müəllif qeyd edir ki, Niderlandın mədəni ürəyi hesab edilən Rotterdam sürətlə Amsterdamla rəqabət aparan yeni turizm məkanına çevrilir.

İkinci sırada Macarıstanın Budapeşt şəhəri qərarlaşıb.

Belə ki, şəhərin müxtəlif maraqlı festivallara ev sahibliyi etməsi, memarlığı, müxtəlif konseptdə olan restoranları Macarıstanın paytaxtını turistlər üçün cəlbedici məkana çevirir.

Üçüncü sırada isə İrlandiyanın cənub-qərbində yerləşən Kork şəhəridir.

Paytaxt Dublinlə müqayisədə şəhərin daha sakit olması, müxtəlif sənət festivallarına ev sahibliyi etməsi, incəsənət qalereyalarının çox olması Korku Avropanın bir çox şəhərləri ilə müqayisədə daha maraqlı edir.