Nəsimi rayonuda yerləşən evə pəncərədən daxil olurlar? - AÇIQLAMA

Nəsimi rayonu, Həzi Aslanov küçəsi, 55 ünvanında yaşayan sakinin evinin blokuna əsas giriş qapısının bağlanması və həmin şəxsin mənzilə pəncərədən daxil olması ilə bağlı məlumatlar yayılıb.

Lim10.az xəbər verir ki, məsələ ilə bağlı Nəsimi Rayon Mənzil Kommunal Təsərrüfatı Birliyi məlumat yayıb.

Bildirilib ki, ötən gün bir sıra media orqanlarında əsassız, yoxlanılmamış və ictimaiyyətdə yanlış təsəvvür yaradan məlumatlar yer alıb.

"Sözügedən bina 1885-ci ildə tikilib və bir müddət öncə dövlət layihəsi çərçivəsində aidiyyəti qurum tərəfindən təmir olunub. Vətəndaş tərəfindən mənzilin bir mövcud girişi olmasına baxmayaraq müəyyən məqsədlər üçün əlavə giriş açmaq niyyətində olub. Qeyri-qanuni olaraq binanın konstruksiyasına müdaxilə faktlarının qarşısı dəfələrlə qurumun nümayəndələri tərəfindən alınıb. Məsələ ilə bağlı hüquq-mühafizə orqanlarına müraciət edilib".