Barak Obama uşaq fotosessiyasında göründü

ABŞ-nin keçmiş prezidenti Barak Obama Vaşinqtonda təsadüfən uşaq fotosessiyasında kadrlara tuş gəlib. Amerikalı Portiya Mur oğlunun çiçək açan albalı ağacının yanında, Ağ Evin keçmiş sahibinin arxa planda olduğu görüntülərini paylaşıb.

Lim10.az "People"a istinadən xəbər verir ki, kadr sosial şəbəkələrdə sürətlə yayılıb və hətta Obamanın özünə də çatıb.

O, körpəsi üçün fotosessiya təşkil edən gənc valideynlərdən üzr istəyib.

"Preston və Bell, ümid edirəm ki, çiçəklənmə dövrünü bəyəndiniz! Kadrlara tuş gəldiyim üçün günahkaram", - deyə Obama sosial şəbəkədə yazıb.

Lakin cütlük heç də kədərlənməyib və hətta zarafat ediblər ki, bir ildən sonra onu yeni fotosessiya üçün eyni yerdə gözləyəcəklər.

Fotoqraf bildirib ki, o, adətən arxa fonu təmizləyir və artıq olan insanları kadrlardan silir, lakin bu dəfə heç nə etməyəcək, çünki onun fikrincə, foto çox maraqlı alınıb.