"Brent" neftinin qiyməti 65 dollardan aşağı düşdü
"London ICE" birjasında "Brent" markalı neftin qiyməti 23 avqust 2021-ci il tarixindən bəri ilk dəfə bir barel üçün 65 dollardan aşağı düşüb.
Lim10.az-ın məlumatına görə, bu, ticarət məlumatlarından bəlli olur.
Belə ki, "Brent"in qiyməti 8.18% azalaraq bir barel üçün 64.4 dollara düşüb.
WTI markalı neftin may ayında 2025-ci il tədarükü üzrə füçersi isə 8.86% azalaraq bir barel üçün 61.02 dollara düşüb.
"Brent" markalı neftin iyun füçerslərinin qiyməti 3.27% azalaraq bir barel üçün 67.85 dollara düşüb.
Lim10.az-ın verdiyi məlumata görə, bu barədə "London ICE" birjasının ticarət məlumatlarından bəlli olur.
Bundan əvvəl neft bir barel üçün 68 dollardan aşağı təxminən 3.5 il əvvəl - 2021-ci il dekabrın 2-də düşmüşdü.
Neft kotirovkaları ABŞ Prezidenti Donald Trampın bütün ölkələrdən idxala yeni rüsumlar tətbiq etməsindən sonra düşüb. Bu, qlobal ticarət müharibəsinin neftə tələbatı azalda biləcəyi ilə bağlı narahatlıqları artırıb.
OPEK+ ölkələrinin neft hasilatını əvvəllər elan ediləndən daha sürətlə artırmaq qərarı da bazara mənfi təsir göstərib.
Ekspertlər hesab edir ki, bu iki addım birlikdə neft bazarlarında sarsıntılar yaradıb. Aprelin 3-də, cümə axşamı, "Brent" neftinin qiyməti təxminən 6.7% düşərək bir barel üçün 70 dollardan aşağı enib.
