Moldovanın energetika naziri: "Azərbaycanla əməkdaşlığı möhkəmləndirməyə can atırıq"

"Biz enerji təhlükəsizliyi və qaz tədarükü kimi məsələlərdə Azərbaycanla əməkdaşlığı möhkəmləndirməyə can atırıq".

Bunu Lim10.az-a açıqlamasında Moldova Respublikasının energetika naziri Dorin Cunqhetu Cənub Qaz Dəhlizinin Məşvərət Şurasının Bakıda keçirilən 11-ci nazirlər iclası və yaşıl enerji üzrə Məşvərət Şurasının 3-cü nazirlər iclası çərçivəsində bildirib.

O, sözlərinə belə davam edib:

"Moldova və Azərbaycan arasında əməkdaşlığın genişlənəcəyinə böyük ümidlər bəsləyirik.

Ötən il Bakıda keçirilən COP29 tədbirində Azərbaycanın təşkilatçılığını da qeyd etmək istəyirəm. Bu, çox vacib bir hadisə idi və biz dəvətə görə minnətdarıq".

Məhərrəm Əliyev