Rusiyada dəhşətli hadisə: Yeniyetmə qız öz evinin zirzəmisində boğazı kəsilmiş halda tapıldı
Rusiyanın Ulyanovsk vilayətinin Tumkino kəndində 14 yaşlı yeniyetmə qız öz evinin zirzəmisində boğazı kəsilmiş halda tapılıb.
Lim10.az-ın xəbərinə görə, bu barədə "112" "Telegram" kanalı məlumat verib.
Məlumata görə, Vlada adlı qızın anası gecəni öz sevgilisinin evində keçirib. Qız evdə tək qalıb. Amma səhər anası zəng etdiyi zaman telefonu götürməyib. Qızın anası - Natalya İvanovna qızın qarşı tərəfdəki evdə yaşayan xalasına zəng edib və uşağı yoxlamağını xahiş edib. Qadın evə girəndə dəhşətli mənzərə ilə üz-üzə gəlib - ətraf qan içində olub. Qan damcılarının izləri isə onu zirzəmiyə doğru aparıb.
Qadın zirzəmiyə düşdüyü zaman Vladanı uzanıqlı vəziyyətdə görüb. Onu evdə bıçaqlayaraq öldürüblər və sürüyüb zirzəmiyə atıblar.
Evə kimin və hansı məqsədlə girdiyi hələlik bəlli deyil. Ola bilər ki, qız dostlarından kimisə qonaq çağırıb. Hazırda müstəntiqlər evdən nəyinsə itib-itmədiyini müəyyənləşdirirlər. Hələlik hər hansı şübhəli yoxdur.
Məktəblinin cəsədinin tapılması ilə bağlı məlumatı Rusiya Daxili İşlər Nazirliyi də təsdiqləyib.
