Rusiya tarixində ən böyük brilyantın qiyməti açıqlandı
Rusiya tarixində ən böyük brilyant 40-50 milyon dollara başa gələ bilər.
Lim10.az TASS-a istinadla xəbər verir ki, bu qiymətləndirməni müstəqil sənaye eksperti Leonid Xazanov aparıb.
Onun sözlərinə görə, çəkisinə, ölçüsünə, xalisliyinə və çalarına görə belə daşın qiymətini dəqiq hesablamaq çətindir, lakin potensial olaraq bu, 40-50 milyon dollar və daha yüksək səviyyədə ola bilər.
L.Xazanov qeyd edib ki, brilyantın dəqiq qiymətini hərracda satış vasitəsilə və ya alıcı ilə fərdi sövdələşmə yolu ilə müəyyən etmək mümkündür.
Qeyd edək ki, daha əvvəl Rusiyanın almaz hasilatı şirkəti "Alrosa" ölkə tarixindəki ən böyük brilyantın cilalanması üzrə işləri başa çatdırdığını bəyan etmişdi. Onun çəkisi 100 karatdan çoxdur.
