Doqquz aylıq Zeynəbin yardımsevər şəxslərin dəstəyinə ehtiyacı var.
Bu barədə Lim10.az-a onun anası Leyla Əliyeva məlumat verib.
O bildirib ki, övladı böyrək çatışmazlığından əziyyət çəkir.
"Zeynəb ötən il dünyaya gəlib. Doğulandan onun böyrək çatışmazlığından əziyyət çəkdiyini öyrəndik. Elə həmin gündən də müalicələrə başladıq. Hazırda həkimlər Zeynəbin müalicə olunmasının vacibliyini deyirlər. Əgər müalicə olunmasa, vəziyyətinin daha da ağırlaşa, bir müddət sonra böyrək köçürülməsinə ehtiyacı ola biləcəyini deyirlər".
Leyla Əliyeva övladının müalicəsi üçün yardımsevər şəxslərə səslənib.
"Biz Goranboyda yaşayırıq. Yoldaşım günü 15-18 manata fəhləlik edir. Elə gün olur, heç iş olmur. Mən isə evdar qadınam. İnanın, qohum-qonşunun köhnələrini geyinib yaşayırıq. Zeynəbin isə müalicə və müayinəsinə bir aya 700-800 manat pul çıxır. Bu məbləği qarşılamaq bizim üçün çox çətindir. Zeynəb mənim yeganə övladımdır, ona dəstək olmağınızı, onu ölümə tərk etməməyinizi xahiş edirəm".
Ailə ilə əlaqə: (051) 763-40-57.
"Kapital Bank": 4169 7388 9051 2845.
