Son həftələrdə Ukraynanın paytaxtında COVID-19-a yoluxma halları əhəmiyyətli dərəcədə artıb.
Lim10.az Unian-a istinadən xəbər verir ki, xüsusilə iyulun əvvəli ilə müqayisədə koronavirusla bağlı xəstəxanaya yerləşdirilənlərin sayı artıb.
Kiyev şəhərinin Səhiyyə Departamentinin məlumatına görə, əgər iyulun 1-nə paytaxtın tibb müəssisələrində COVID-19 diaqnozu qoyulmuş 20 xəstə var idisə, bu gün artıq 73 belə xəstə var. Onlar xəstəliyin mürəkkəb hallarını yaşayan insanlardır. Hazırda xəstəxanalara gündə orta hesabla 20-yə yaxın insan müraciət edir.
Bildirilir ki, iyulda ümumilikdə 900 COVID-19 hadisəsi qeydə alınıb, halbuki iyunda analoji hadisələrin sayı 200-dən az olub. İlin əvvəlindən Ukrayna paytaxtında bu xəstəlikdən 52 nəfər dünyasını dəyişib.
