Çində iqtisadi azalma nefti ucuzlaşdırır
Neft qiymətləri bu həftənin bazar ertəsi Çin hakimiyyətinin ölkənin 2023-cü il üçün iqtisadi artım tempi ilə bağlı gözləniləndən daha zəif proqnozları fonunda ucuzlaşır.
Çin hökuməti bu il ÜDM-i təxminən 5% artırmağı hədəfləyir, Baş nazir Li Keqiang ötən bazar Ümumçin Xalq Nümayəndələri Konqresinin (MPK) açılış iclasında bildirib.
Bir çox iqtisadçı iqtisadiyyatın artım hədəfinin daha iddialı olacağını gözləyirdi, Bloomberg yazır. Agentlik qeyd edir ki, bu o demək ola bilər ki, Çin hakimiyyəti yeni fiskal və monetar stimullaşdırıcı tədbirlərdən çəkinməyi planlaşdırır.
Londonun ICE Futures birjasında bazar ertəsi saat 15:45-ə olan Brent markalı neftin may fyuçerslərinin dəyəri bir barel üçün 84,56 dollar təşkil edir ki, bu da əvvəlki sessiyanın bağlanış qiymətindən 1,27 dollar (1,48%) aşağıdır. Hazırda qiymət 75 dollara düşüb.
Nyu-York əmtəə birjasında (NYMEX) elektron hərraclarda aprel ayı üçün WTI markalı neftin fyuçerslərinin qiyməti bu vaxta qədər 1,18 dollar (1,48%) azalaraq bir barelə görə 78,5 dollar təşkil edib.
Sürixdəki UBS Froup AG şirkətinin analitiki Giovanni Staunovo deyib: "Çin hakimiyyətinin cari il üçün ölkənin ÜDM-i ilə bağlı proqnozu kifayət qədər aşağı idi və bu, çox güman ki, bazar ertəsi neft qiymətlərinin aşağı düşməsinə kömək edəcək. Lakin biz gözləyirik ki, Çin iqtisadiyyatının böyümə sürətinin bu proqnozdan daha yaxşı olasa, Çin neftinin idxalı artarsa və Rusiya istehsalı azalarsa, bazarda qiymətlər yüksələcək”.
“Saudi Aramco” aprel ayında Avropa və Asiya alıcıları üçün demək olar ki, bütün neft növləri üçün qiymət artımlarını elan etməklə neftə tələbat perspektivlərinə inamını ifadə etdi.
