İrəvanda keçirilən etiraz aksiyasında Paşinyana 10 gün vaxt verildi
Ermənistanda müxalifət liderləri baş nazir Nikol Paşinyana istefa üçün oktyabrın 5-dək vaxt veriblər.
Bu barədə İrəvanda hökumət evi qarşısında keçirilən etiraz aksiyası zamanı bildirilib.
Hərəkatın liderlərindən olan Andranik Tevanyan deyib: “Biz bütün qüvvələrimizi birləşdirməliyik ki, oktyabrın 5-nə qədər Paşinyan istefaya göndərilsin. Heç kim bilmir ki, o, Ermənistan üçün daha hansı qanlı sənədləri imzalamağa hazırlaşır. Biz buna imkan verməməliyik”.
Etirazçılar sentyabrın 26-da etiraz aksiyasını davam etdirəcəklərini bildiriblər.
