"Bakcell" 4 milyon abonentin cin kimi soyur
Elə bir həftə yoxdur ki “Bakcell” mobil operatoru barədə şikayət məktubları daxil olmasın. Abunəçilər kütləvi şəkildə mobil şirkətin fəaliyyətinə etiraz edirlər.
Vətəndaşları aldadan, balansından oğurluq edən və reklam kampaniyaları ilə fırıldaqçılığa yol verən “Bakcell” tamamilə nüfuzunu itirib və dələduz şirkət imici formalaşdırıb.
Bizimxeber.az xəbər verir ki, bu dəfə daha bir abunəçi İsmayıl İsmayılov başına gələnləri yazıb: “Şikayətim Bakcell operatorundan və SMS xidmətləri şirkətindəndir. Mənim xəbərim olmadan xidmət aktiv edilir. Xidməti dayandırmaq üçün gərək sms göndərəsən ki, balansdan 0.59 azn tutulsun ya da qeyd etdikləri nömrəyə zəng edib “ürək sözlərivi” deyəsən ki, pulsuz özləri deaktiv etsinlər.
Mən səmimi sözlər ilə onların oğurluq etdiklərini başa saldım və deaktiv etdilər. “Bakcell”in rəsmi 4 milyon abunəçisi var. Görəsən nə qədər abunəçini bunlar tora sala bilirlər?…”
Digər abunəçi Şəbnəm Əliyeva qeyd edib ki, 5 manatlıq internet paketi götürmək üçün lazım olan məlumatları daxil edib: “Əməliyyatın uğurlu olub-olmaması haqda heç bir sms almadım. Mqb-i yoxlamaq üçün məlumatı daxil edib, göndərdim, yenə sms gəlmədi. Fikirləşdim ki, yəqin uğursuz əməliyyat olub və bir daha 4 manatlıq internet paketi yüklədim. Dərhal sms gəldi ki bundan öncə yüklədiyim internet paketi ləğv edildi. Operatorla əlaqə saxladım.
Şirkət əməkdaşı dedi ki, səhv məndə olub. 2-ci dəfə əməliyyat etməməli idim. Buna nə ad qoymaq olar? Hara uçdu o 5 manat? Bu cür bərbad bir mobil operator və bərbad bir “Bakcell” xidməti var”.
