Rusiyada 112 milyon ton taxıl yığılıb
Sentyabrın 6-na Rusiyada 112 milyon ton taxıl yığılıb. Bu barədə Rusiya Federasiyası Dövlət Dumasının Aqrar Məsələlər Komitəsinin və Nəzarət Komitəsinin genişləndirilmiş birgə iclasında kənd təsərrüfatı naziri Dmitri Patruşev bildirib.
Kənd Təsərrüfatı Nazirliyinin rəhbərinin sözlərinə görə, digər bitkilərin də yığımı kifayət qədər dinamikdir. Ümumilikdə bütün kənd təsərrüfatı bitkiləri üzrə orta uzunmüddətli göstəriciləri üstələyən göstəricilərə nail olunması nəzərdə tutulur.
Payızlıq səpin də aktiv mərhələdədir. Planlara görə, 2023-cü ildə onun sahəsi 20 milyon hektar olacaq.
Kənd Təsərrüfatı Nazirliyi yeni rayonlara xüsusi diqqət yetirməklə aqrar sahələrin maddi-texniki resurslarla təminatına nəzarət edir. Hazırda gübrə, kənd təsərrüfatı texnikası, bitki mühafizə vasitələri baxımından hər şey normaldır. Bununla yanaşı, yanacaq-sürtkü bazarında yanacağın qiymətinin xeyli artması faktları da var. Vəziyyəti normallaşdırmaq üçün bu məsələ Energetika Nazirliyi, Federal Antiinhisar Xidməti və Rusiya Dəmir Yolları ilə birgə işlənir
